Teyarayê cengî yê tirkî Kurdîstanê Başûrî de hêrişê mevkîyanê Partîya Karkeranê Kurdîstanî (PKK) kenê.

Melumatan ra gore vizêr saeta 23:00 de hêrişî dest kerd ci. Bitaybetî waranê Zap, Metîna, Gare, Haftanin û Avaşîn hedefê bombardumanî bîyê. Dukok de qezayê Dêrelokê, koyanê Kurejar û Gelî Sergelî ke qezaya Amêdî der ê, ê yenê bomba kerdene. Saeta 01:00 de kî warê Qendil û Xakurke ameyî bomba kerdene.

Hîna dorê 6 jetî asmênê Kurdîstanî de cêrenê. Yewna melumat ra gore kî di teyareyî herêma Zap de û çarna teyareyî Bergare de mevkîyê PKK xo rê kerdî hedef. Ê cayan ra vengê çekan kî yeno heşnayene.

Goreyê merkezê çapemenî yê HPG ra, Bexdînan de bombardumano giran esto. Vilaweke de yeno vatene ke “adirbesto tekteref hetê dewlet û artêşa Tirkîya ra ame xeripnayene. Nê bombarduman ra dime qet manaya adirbestî nêmende. Netîceyê nê bombarduman û hêrişî do demêde nêzdî de şar û rayapêroyî rê eşkera bo.”

Hetê meydanê teyara yê Dîyarbekîr ra xeylê jetê F-16 ê Tirkîya benê berz ver bi Kurdîstanê Başûrî ke hêrişê kampanê PKK bikerê. Medyaya tirke ancîya îdîa kena ke nê hêrişî duştê çeteyanê DAÎŞ de yenê kerdene.

Hetê Yewîya Neteweyî ya Kurdîstanî (YNK) ra hêriş protesto bî. Spîkerê YNK Îmad Ehmedî waşt ke bombardumanê erdê Kurdîstanî hetê jetanê tirkan ra desinde bêrê peynîye.

4 ŞÎROVEYÎ

  1. AKP Erdoğano kutıko vêsan verê çever! Sıma ha domonune ma kısene nıka kowune ma kene tef duman! Çê sıma bıveso hemeee

  2. Xizir de kaleka sima ra sano, sima nata bota kas kero! IŞID nê, nane gerîla ra! Hey bimbarek! To aqil kerd vila ne xexî kotî bî?

  3. Polîtîka polîtîka! Qandê AKP DEAŞ nê kurdî tehlîke yî! Herg ruej ki lej û ceng estî reyê AKP benî zehf

  4. pêro de pêro de gerîla pêro de devrimciyê ma! faşîşt amê ma ser de onder amê!

Comments are closed.