Goreyê xebera rojnameyê Evrenselî ra, beşê kurdolojî yê Merkezê Girsî yê Îslamî yê Unîversîteya Tehranî de yew ansîklopedîya kurdan amade bena. Beşê kurdolojî serra 2010 de ame saz kerdene. Dîrektor Dr. Esmaîl Şamsî da zanayene ke ê hazirîya ansîklopedîya şeş cîldan kenê.

Dr. Şams ke beşdarê Konferansê “Serranê 90an de Kurdî û Kurdîstan”î yê Unîversîteya Bîlgî bî, va ke ansîklopedî de derheqê tarîx, sîyaset û kulturê kurdan de arêdayîşî do estbê. Seba cigêrayîş heta nika 2.000 kitabî sey çime amey arê dayene. Şamsî silayîya her kesî da ke înan bi cigêrayîş dest bidê. Va ke, “Arşîvê ma yê kurdolojî her kesî rê faydeyin bo.”

CEWAB BIDE

Keremê xo ra şîroveyê xo binuse
Keremê xo ra nameyê xo binuse