Sûdanê Başûrî êndî xoser o

Referandum ra tepîya Sûdanê Başûrî xoserîya xo îlan kerd û vakûrê welatî ra bîyo cîya. Naye ra Komara Sûdanê Başûrî beno welato 193. ê na dinya. Şarê Sûdanê Başûrî naye bi keyf û şayîye pîroz kerd.

Şeş serrî herbê zereyî ra tepîya referandum de 99% yê şarê Sûdanê Başûrî raya xo seba xoserîye daybî. No referandum ra tepîya hewnê xeylê sûdanijan bî rastîye. Bi wendişê manîfestoyê xoserîya ra bi hezeran kesî ronayîşê dewleta newîye bimbarek kerd.

Sekreterê pêroyî yê MY Ban kî Moon û xeylê welatanê dinya ra sîyasetkaran hetê Sûdanê Başûrî kerd. Xoserîya Sûdanê Başûrî hetê DYA, Ewropa û Çînî ra ame qebul kerdene. Aşmêna kî Komara Sûdanê Başûrî Miletanê Yewbîyayeyan (MY) de do temsîl bo. Komara Sûdanê Başûrî bi da-8 mîlyonî nufusî dewleta tewr newî ya dinya ya.