Muslumanî ewro peşewe şewa qendilî bimbarek kenê. Na Şewa Beratî dînê îslamî de şewêda bimbarek a. Berat (Beraet) erebkî de manaya pakbîyayîşî der a. Goreyê îtîqadê îslamî ra na şewe bereketin a, no semed ra a şewe de guneyê însanî ef benê, kulê Heqî pak benê. Na şewe zî jê (sey) Şewa Rehmetî name bena.
Muslumanî henî bawer kenê ke merdim (mordem) Şewa Beratî bi îbadet bivîyarê. Naye ser o Muhammed bîn Abdullah ju (yew) hadîsê xo de nîya vano: “Eke şewa 15. aşma şabanî bîya, na şewe de îbadet ser raurzê. Û şodirê na şewe de roje bicêrê.”
Heto bîn ra henî îman beno ke Şewa Beratî de Qurano Pîroz Levhî Mahfûz ra ameyo war bi dinya. Muslumanî naye ra vanê înzal.
