Pêşêngdarê komputure û awankerê şîrketê Apple Steve Jobsî rîyê nêweşîya girane qenser ra dinyaya xo vurna. Jobsî şewa çarşemîye de 56serrîya xo de sereyê xo na ro. Ju (yew) cinî û çar domanê Jobsî estê.
Ronayoxê şîrketê komputure Apple Steve Jobsî semedê qenserêde derg û giranî ra merd. Aşmê ra raver Jonsî înovasyonê neweyî musnaybî dinyaya komputuran û dima sebebê nêweşîye ra karê xo ra vejîyaybî. Şîrketê Apple xeyrê Jobsî ra bîyo markayo zaf hêzdar ê komputuran, tayê pisporan ra gore kî oyo tewr hêzdar û populer. Bi modelanê xoyê nîp û neweyan iPod, iMac, Mac, iPad û iPhone ra Apple pêro dinya de zaf rind kar kerd û hîna kena.
Steve Jobsî serra 1976 de bi hevalanê xo Steve Woznîak û Ronald Wayneyî ra pîya zereyê ju (yew) garajî de şîrketêde qijkek ê komputuran bi nameyê Apple (“Saye”) naybî ro. Ewro Apple ewro tayê pisporan ra gore bi erja xo ya 153,29 bîlyon Dollarî markayo tewr erjaye yê dinya yo. Kovara Forbesî ra gore dewlemendîya Steve Jobsî adare 2011 de dorê 8,3 bîlyon Dollarî bîye.
“Your time is limited, so don’t waste it living someone else’s life. Don’t be trapped by dogma — which is living with the results of other people’s thinking. Don’t let the noise of others’ opinions drown out your own inner voice. And most important, have the courage to follow your heart and intuition. They somehow already know what you truly want to become. Everything else is secondary.”
– Steve Jobs
Mordeme de girs bî. Heyate xo hen kar de viyerd u her reye o cereb na ke innovasyone newey bivino u firmaye xo raver bero.