Wendoxa delale, wendoxo delal,

juna (yewna) serre vêrde ra şîye, juna (yewna) serre ha verê ma der a. Mabênê na ju (yew) serre de xeylê çîyî vîyartî welat û dinya de, ma kî bi zerrîşênî û keyfweşîye bîyayîş û serebûtê muhîmî şima de pare kerd. Ma bi şayîye dî ke wendoxê ma wendişê zonê (ziwanê) xo ra nêtexilîyayê, hem nuştox hem kî wendoxê ma bîy zêde, înan bi angajman û welatperwerîya xo dest da karê ma, moral da ma.

Karê ma serra newîye de kî nêvurîna. Kirmanckî hîna nêmerda, eksê ci de, berza berz û kîyafetêde newe de vejîna meydan, bi renganê neweyan cuya ma xemelnena. Ma kî ceribnenîme ke no mozaîko zafrengin de cayê xo bicêrîme. Armanc û hedefê ma hîna atraktîfkerdişê kirmanckî û raverberdişê zaffikrîye yo, ha par ha emser ha serrêna. Bawerîya ma ya ke însan besekeno weşîya xo biserûber û seranser zonê (ziwanê) xo yê dayîke de biramo. Seba mumkînkerdişê naye kî ma deynê para xo danîme û her roje welat û dinya ra pencerayêda kirmanckî kenîme ra.

Tabî, raya ma hîna derg a, labelê dest a dest û bi waştişê zerrî her tengasîye ra îhtîmal vejîno. Heyatê ma kurdan ge rind ge xirab şono, la muhîm o ke seranser bi kirmanckî şêro.

Bi na mana, serra şimaya newîye pîroz bo.

Hertim weşîye de bimanê,

Redaksîyonê DêrsimInfoyî

1 ŞÎROVE

Comments are closed.