Serekê BDP yê qezaya Tûxî Mazlum Akgunî rê, badê ke 20. çeleyê 2012 de kewt hepisxane, 59 reyî dewayî rabîy. Dadgehanê tirkan ra gore mazî û şexsîyetê Akgunî benê sebeb ke “sucê xo” reyna bikero.

Hepsîbîyayîşê Akgunî ra dime her gamanê ey ser o dewa amey rakerdene. Akgun her hîrê roje de reyê şono dadgehêde tirkan û yew dewa ra tepîya ancîya cêreno ra şono hepisxane, çike mehkema tirke îfadedayîşê kurdkî qebul nêkena.

Mazlum Akgun fikrê xo nîya ano ra qal: “Gureyayîşê mi îllegal nîyo. Dewayê ke mi ser o amey rakerdene, parçeyêde komployê duştê BDP der o. Nêmserra peyêne de Tûx de 300 kesî amey tewqîf kerdene û înan ra 60 ra zêde erzîyay hepisxane. Seba ke ez duştê înkar û qirkerdişî de vejîna, mi ser o 59 reyî dewa rabî.”

No taw 6.000 ra zêde sîyasetkarê kurdî hepisxaneyanê Tirkîya der ê.