Dewa Sînî ya Mamekîye de xeylê kutikî ameyî dîyene ke rîyê vêşanî û serd ra merdî. Aye ra kî dot, vanê ke tayê kutikî bîyê alefê vergan. Nika dêrsimijî bi xo ceribnenê ke kutikan weye bikerê û nîya biseveknê.
Kutikî ke varayîş ra dime dewe bi dewe seba çîyê werdişî gêrenê. Tayê dewijî nan danê kutikan. Goreyê dêrsimij Alî Çetînî ra gerek selahîyetdarî ci rê wayîr vejîyê. “Cenirmeyî 80-90 kutikî caverdayî, 20 teneyî hetê vergan û semedê vêşanîye ra telef bîyî.” Durumê madî yê xeylê dewijan ke rind nîyo, weyekerdişê kutikan gerek karê her kesî bo. Yeno vatene ke kutikî hetê cendirmeyî ra ameyî raverdayene. Çi esto ke Fermandarîya Taburî ra ame dayene zanayene ke na îdîa rast nîyo.
