Şaristanê kurdan game bi game benê kurdkî. Jê (sey) şaredarîyanê kurdan bînan şaredarîya Dêrsimî kî qerar girewt ke xizmetê xo êndî bi kirmanckî bikero.

Sereka beledîyaya Dêrsimî Edîbe Şahin gama verêne de tabelayê bi kirmanckî musna rojnamegeran. Şahîn êndî pêro tabelayî lete-lete tirkî û kirmanckî da nuştene. Edîbe Şahin bi şayîye naye va: “Ma xora kombîyayîşê xo, karê xo bi kirmanckî viraştêne. Xeylê kesê ma tirkî nêzanenê. Ewro ma şima rê tabelayê ke şaredarîya ma de bi kirmanckî amey nuştene, musnenîme.”

Persê rojnemegerê ser o ke “Heyatê kirmanckî tena bi tabelayê şaredarîye maneno, ya kî tabeleyê teberî kî yenê vurnayene?” aye va ke “Tabelayê teberî ma kî wazenîme ke kirmanckî bikerîme, labelê no hîna nêame qebul kerdene. Karê ma yê serê zonê (ziwanê) ma dewam keno.”

Tabelayan de lehçeya kurmanckî (kirdaskî) hîna ca nêgirewto, hetê beledîya ra naye ser o enformasyonî nêamey dayene.

3 ŞÎROVEYÎ

  1. Şaredariye Dersim xebatêkî weş viraşto labelê tabeleyî kirmanckî bixeletî nusîyaye..Şaredarîye no nuşte xo de bi kirmanckî “vekîle serverê şeredarîye” nuşto..no nuşte her çekuyê xo de xelat nusîyaya..Ganî “vekîle” ney, wekîlê” bibîyane, “serverê” ney, “serrekê” bibîyane, “şeredarîye” ney, “şaredarîye” bibîyane..Her hîre çekuyan zî bixeletî ameya nuştene..Gelo kovarê Vate rê yew telefonî akerdiş û perkerdiş zaf zehmet bîy?..Çi heyf…

  2. ez zi sey Cemîlî fikirîyena. Ganî a tabela bivurîyo û newe ra wina binusîyo. “wekîlê serekê beledîya”

  3. Xizmete rinda, labele gerekeke rast binuse. Ez fam niken ke chaye koverê Vate rê telefon nikene, yakî jü subeye Vate ye Dêrsim de ranikene. Universita “Tunceli” dek ziwane ma xelet yeno musnayene. Hete binrak Vatek ebe xo ney bikero.

    Tabeley rinde, labele 80 serre tepiya tena tabelende kaykerdene bes niyo. Na dinya de her milet ziwane xode perwerde keno, sono mekteb, ma sare peyniye meke hona ziwane binide perwerde vîneme. No ayvo.

CEWAB BIDE

Keremê xo ra şîroveyê xo binuse
Keremê xo ra nameyê xo binuse