Roşna 2010 de albumê xo bi nameyê “Kilamê En Rindekê Kurdî” de bi kilama xo “Yena” ca girewtîbî û goşdaran mabên de vejîyabî ser. 2012 de Roşna pê albumê xo yê “Vîr ra Kerdî” goşdaranê xo de yena têlewe.
Roşna serranê xoyê qijkekan de dest bi muzîk kerd, bestekarîye û nuştoxîya xo ra reng û vengê xo rew ra bala ante, muzîkê kurdkî de tedarikê nefesê neweyî kena. “Vîr ra Kerdî“ de des kilamî estê, beste û nuştoxa heşt kilaman Roşna bi xo ya. Kilamê bînî zî albumê Jan Arslanî ra amey girewtene, ke 2010 de vejîyabî û goşdaran ci ra zaf hes kerdîbî.
Album de redaksîyon Ayhan Evcî, saksafon muzîkkaro brezîlyayij Leandro Saînt-Hîll, buzukî û udd de dinya muzîk ra namdar Mehmet Erdem, dawul de Sebastîan Bastî, perkusyon de Ata Guner û Yogî Jockusch, bas gîtar de Martîn Drees, gîtaran de Chrîs Harms, Bernd Hîlgert, Steven Pfeffer, keman de Huseyîn Kemanci, klarînet de Goksun Çavdar , Akordîon de Ozge Metîn, klevyan de kî Gerrît Heîneman kedkarîye kerda.
Reqsê nê albumî pop û caz o, çekuyanê kilaman de zêde vateyê serê însanî, xerîb bîyene, teynayîye bi qeydê helbestvanîye xo kifş keno. Zazakî henî aseno kî vîndîbîyena xo nêzdî ya, serba naye ra sey mîrasê dinya yeno qorî kerdene. Album hetê mîstîk û rindekîya zazakî pêro pîya têhet de ano verê çiman.
Album Îstanbul û Hamburg de hetê Pelrecordsî ra ame qeyd kerdene. Xeya Pelrecordsî muzîko kurd ra veng û reqsê neweyî peyda kerdî. No albumo xas û rindek “Vîr ra Kerdî” Sony Music vila keno.
