Rojawa Kurdistan de terorîstê îslamîstê El-Nusra sîvîlê kurdî bomba kerd, nêzdîyê 70 kesî no bombarduman de amey kiştene, jedeye 300 yîk hete înan ra amey ramnayene û hîna vîndîbîyaye yê. Werte ye înan de xeyle domenî û cenîyanî este. Çike na dewî zerreyê sîngorê Rojawan de nîye besenîbeno ke înformaszonê neweyê bîyero girewtene.
Ebe no serebutê peyenî werteyê tewgerê neteweyê kurdan û îslamîstî tenena bî xirabin. Çike ke El-Nusra û hereketê bînê îslamîstê radîkalî duştê tevgerê neteweyê kurdan hata nika pêro pêrodayiş kerd vînd, vazeneke heyfê ney nîya bîcere. El-Nusra bitaybetî hete Katar û Tirkîiya yeno boşt girewtene. Asma gulane de Katar 1 mîlyar dolar rusnay bi înan. Hete bin rak sînorê tirkî ra xeyle çekanê modern qune destanê îslamîstî. Bîne komandanîyê El-Nusra de 8.000 mordemî este.
Tayê pîsporê polîtîkayê mîyannetewî ra gore dewleta Tirkî vazenake PKK yo ke na taw Kurdistanê Vakurî ra hezê xo peyser onceno, ebe El-Nusra de bîyaro perodayiş. Na semeda xeyle zanayîşî xeletî û qilerînî bîtaybetî serre înternetî û medyayê sosyal de yene vila kerdene. Fîkrê analîstan ra gore, çike Rojawa de koyî çîne û cografya ye xo rasto, avantajê tevgerê kurdan dirbet ceno. Beno ke PKK uzwe îslamîstî bivejîyo, labelê tepîya werte ye arteşa Esad û Tirkî mendena esta. Hesabê Tirkîya tena ebe yewîya tevgerê kurdan se PKK, YPG, KDP usn. zeno xirabin kerdene. Hata nika çi hefyo ke pêro hetan vazene ke kontrolê Rojawan bîcere destanê xo, na semeda pêameyîş durrî yo. Bê sîyaseta netewî yê pîya ameyoxê kurdanê pêro parçeyî rind nêaseno.
HEYA… DEWLETA MA KE BİBÎYÊNE…!