Derheqê dewaya kanalê televîzyonî yê kurdî Roj TV de dadgeha Danîmarka qerarê xo kerd eşkera. Dadgeha şaristanê Kopenhagî lîsansê weşanî yê Roj TV îptal nêkerd, labelê seba propagandakerdişê PKK cezayêda şenike da.

Bi no qerar ra Roj TV weşanê xo Danîmarka ra dewam keno. Kapîtalê kanalî, dorê 20 mîlyon Euroyî, ancîya (onca) yeno dayene bi Roj TV. Seba îhlalê qanûnê antî-terorî kî gerek Roj TV 8.700 € ceza bido.

Wexto ke no qerar hete dadgehe ra ame wendene, verê banê (bonê) mahkeme de xeylê kurdan kombîyayîşê viraşt. Dayîşzanayîşê qerarî ra tepîya karkerê Roj TV û beşdaranê kombîyayîşî netîceyê qerarî bimbarek kerd.