Qarneyê kurdkî yê verênî ameyî dayene

Dibistana kurdkî ya verêne ke par Dîyarbekir de keyberê xo rakerdbî, emser qarneyê verênî kerdî vila.

Qarneyê ke bi cîya-cîya rengan neqişîyabî, tede tesdîq bî ke wendekarî bi kurdkî wendiş, nuştiş, qiseykerdiş, cinitiş û sporkerdiş zanenê û tey notî girewtî. Dibistana bi nameyê Ferzad Kemanger par 15. êlule de dest bi perwerde kerdbî, la eynî roje hetê walîyîye ra amebî girewtene, feqet peynîya peyêne dibistane rabîbî.

Bi rayberîya komelanê Kurdî-Der û Egitim-Sen, ser o kî bi destekê Kongreya Komela Demokratîke (DTK) ra dibistane ra se ra zêde wendekarî beşdarê merasîmê qarneyan bîyî. Hemsereka beledîyaya Dîyarbekirî Gulten Kişanak, hemsereka DTK Selma Irmak û hemsereka DBP Hafîze Îpek kî beşdar bîyî.