16 qezayanê Komara Tirkîya de hetê polîsê tirkî ra operasyonê hemdemî ameyî kerdene. Sey netîce 297 kesî binê nezaretî der ê. Yew kes kî ame kiştene. Goreyê melumatê mudirîya asayîşî yê Tirkîya ra hedef endamê DAÎŞ, DHKP-C û YDG-H ê.
Operasyonî tayê şaristananê Tirkîya sey Îstanbul de ameyî kerdene, la zafêrîya înan Kurdîstanê Vakurî de ca girewt. Polîsê tirkan bi helîkopter û tîmanê taybetîyan kewt keyeyanê gumandaran. Tena Îstanbul de 98 gumandarî binê nezaretî der ê. Îdîa bîye ke nînan ra zafêrî endamê DAÎŞ bîyî. Çi esto ke henî aseno ke hedefo eslî yê operasyonan PKK û YDG-H ê. YDG-H sey rêxistina gêncan ê PKK yena hesibnayene.
Operasyonî şaristananê Dîyarbekir, Dêrsim, Çewlîg, Wan, Semsûr, Mêrdin, Riha, Bidlîs, Reşqelas û Şirnex de ameyî kerdene. Bitaybetî Dîyarbekir û Îstanbul de mabênê polîs û şarî de pêrodayîşî qewimîyayî.
