Dadgeha Qanûnê Bingeyî yê Tirkîya qerar da ke qedexeyê piranayîşê peynameyanê xeriban, yanî ê kurd, armenî, çerkez, suryanî, xiristîyanan ûsn. hîna huqûqî yo. Dadgeha Qanûnê Bingeyî ra gore gerek “nasnameyê netewe” bêro seveknayene. Serekê mehkeme bi xo duştê nê qerarî de ray da, va ke qerarêde nîjadperest o.

Hemwelatîyê Tirkîya yo suryanî Favlus Ayî waşt ke name û peynameyê xo bivurno bikero Paulus Bartuma. Seba ke peyname “Bartuma” tirkî nîyo, la suryankî ya, Favlus Ay vejîya mehkeme ver. Mehkeme kî qerar da ke goreyê Qanûnê Peynameyan ê serra 1934 peynameyê bi nameyanê nîjad û miletanê xeriban nênê girewtene. Dadheqa Qanûnê Bingeyî kî no qerar sevekna û va ke no qanûno ke 77 serran ra ver ame viraştene, ewro hîna huqûqî yo.

Labelê serekê Dadgeha Qanûnê Bingeyî Haşîm Kiliç duştê nê qerar de vejîya û raya xo seba vurnayîşê ê qanûnî da. Kiliçî no derheq de va ke: “Serra 1934 de no qayde fehm beno, labelê ewro, pêro jukerdiş (yewkerdiş) û pîyabîyayîş hetê de, no qanûn seba leteyê hemwelatîyan ke heqê înan esto ke wayîrê nasnameyê etnîkî ya dînî bê, nîjadperestî ya. Eslê xo de no zerar dano jubîyayîşo (yewbîyayîşo) milî rê. (…) Ferqê dîn, zon (ziwan), etnîk û nîjadî manîya miletbîyayîşî nîya.”

Heşt endamanê mehkeme duştê qanûnê 1934 de ray da, new dadgeran kî qanûno ke peynameyanê xeriban qedexe keno goreyê “seveknayîşê nasnameyê netewe” huqûqî dî.

1 ŞÎROVE

  1. Ci hefo ke, ita de onca eskera biyo ke Tirkiya hina nivuryo u zaf nijadperesto. Yew xeletiye ke bi gune na xeletiye bero rast kerdene. Bi qedexe probleme nino hal kerdene. Endi deme viren verdi ra.

CEWAB BIDE

Keremê xo ra şîroveyê xo binuse
Keremê xo ra nameyê xo binuse