Spîkerê wezaretê pêşmergeyan Cibar Yawarî BasNewsî rê da zanayene ke hetê koalîsyonê mîyanneteweyî ra yew kampê perwerdeyî yo muşterek ame rakerdene. Nê kampî de pêşmergeyî seba cengê duştê terorîstanê DAÎŞ de amade benê.

Yawarî îzah kerd ke rîyê rojeyê remezanî ra pêşmergeyanê musulmanan nika perwerdeyê xo vindarna. No taw pêşmergeyê êzîdî û yarsan (ehlê Haqî) perwerde vînenê. Derheqê ca û tewirê perwerdeyê eskeran de melumat nêame dayene, çike nimitkî yo. Çîyo ke yeno zanitene o yo ke des welatanê cîya-cîyayan ra perwerdekar û pisporê eskerî seba pêşmergeyan ameyî.

Pêşmergeyan mîyan de êzîdî û yarsanî kî estê, bitaybetî hêrişê Şengalî ra dime hûmara înan bîya zêdîye.

CEWAB BIDE

Keremê xo ra şîroveyê xo binuse
Keremê xo ra nameyê xo binuse