General û serekê heyetê muşterekî yê Pentagonî Martîn E. Dempseyî roja çarşemîye da zanayene, eke dewleta Îraqî pê terorîstanê DAÎŞ nêşikîna, plano cagir ê Pentagonî esto ke hemkaranê bînan reyde bigureyo.
“Ma daîma plan û şertanê xo yê bingeyênan analîze kenîme. Planê ma yo nikayinî ra gore dewleta Îraqî do yew hukmat peyda bikero ke tede pêro tewir û mezhebê Îraqî ca cênê”, general Dempseyî yew konferans de va. “Eke nê farzî do rast nêbo, o wext ma xo întîbak kenîme û bi destekê koalîsyonî û bi hemkaranê xo ke erd der ê, înan de pîya ma menfeatê xo yê neteweyî seveknenîme.”
Nê vateyê Dempseyî manenê ro qisayê wezîrê asayîşî yê DYA Ashton Carterî ke hewteyo verên kerdbî eşkera ke beno ke Îraq lete beno parçeyanê kurdî, sunî û şîî. Carterî bi teferuat nîya vatbî: “Eke yew Îraqo zafmezhebin nêbeno gelo? O wext se beno? Na parçeyêde muhîm ê stratejîya ma yê ucayî yo. Eke no hukmat besenêkeno wezîfeya xo rast bikero, o wext ma dest danîme hêzanê cayîyan ke wazenê ma reyde bigureyê. Nîya Îraq beno pêto, la o wext Îraqo yewbîyaye nêmaneno.”
Nika 3.500 şêwirmend û pipsorê eskerî yê Pentagonî Îraq de estê ke hêzanê artêşa Îraqî, pêşmergeyan û hêzanê eşîranê sunîyan perwerde kenê.
