Partîya BDP ju (yew) qerar girewt ke parlamento de seba parlamenteranê xo kursê kurdkî bêro viraştene. Kurs her hewte 4 saetî yo û hîrê grûban ra yeno pêra: Wekilê ke qet kurdkî nêzanayene, êyê ke tenê zanenê û êyê ke rind zanenê.

Leyê Akin Bîrdal û Ufuk Uraş de kî endama partîya CHP yê Adana Gaye Erbatur kî kuna no kurs. Erbatur wazena ke bi weçinitoxanê xoyê kurdan zonê (ziwanê) înan de qisey bikero. Wekila BDP Emîne Ayna kî na grûbe de kurdkî musena. Wekilê ke lehçeyê kirmanckî (zazakî) qisey kenê, jê (sey) Gultan Kişanak, Selahattîn Demîrtaş, Şerafettîn Halîs û Sebahat Tuncel kî beşdarê nê kursî benê.

No kurs hetê parlamenterê Sêrtî yê BDP Osman Ozçelikî ra yeno dayene. Bi (ebe) no kurs wekilî gramerê kurdkîya moderne ser o gureyenê û wazenê ke heyatê xoyo pratîkî de zonê (ziwanê) kurdkî rind bixebitnê. Vatenan ra gore wekilê Dêrsimî Kamer Genç no kurs nêkuno.

2 ŞÎROVEYÎ

  1. tiştek pir cowane destê we xoş ez xelkê Dohukê me zazaki tê digehim…..kar li ser zimanê kurdi biken bi xatrê we……..her sax u silamet bin hevalê hewe bêwar

CEWAB BIDE

Keremê xo ra şîroveyê xo binuse
Keremê xo ra nameyê xo binuse