Paytextê Norweçî Oslo de di sey hezarî ra zêde însanan qurbanê suîkastê rastgirê radîkalî Anders Breîvîkî yad kerd û kiştox protesto kerd. Beşdaranê nê pêserameyîşî bi gulan mesajê aştîye da.
Anders Breîvîkî 76 însanî, nînan ra zêdêrî doman û cêncî, kiştîbî. Suîkast ra dime meydanê sûka Osloyî de şar ame têlewe û heta katedral şî. Uca (uza) de miletî sloganî duştê nîjadperestîye de eştî û seba cêncanê ke merdê, minete kerd.
Tayê cêncî hîna vîndîbîyaye yê. Nînan ra juye (yewe) kî çênekêda (kênekêda) kurda hewlerij a.
