No derheqê operasyonî de zaf çî amay vatene û amyî nusnayene, la ez kî wazena no derheqde çand çekuyan seba Recep û hukumatê Recepî binusnî.

Bi operasyonê 17ê kanûne lapace de rinde erzîye ra binê goşanê AKP. Bi na lapace derbe derinde kî gurete. Tayê wezîr û wekîlan meqamê xo ra tayine kî partîya AKP ra îstîfa kerde. Yanekabîneya hukematê Recepî bi na lapace tê ser û tê bin ra bîye.

Bi nê operasyonî, qilerê rîye hukumatê AKP rêyna vejîya awe ser. Nê hukumatê rîy qilerînî bino qeyde desûju serre heqa feqîr û farî, heqa mazlumanê sêyan kasa dewlete ra hem kî biçente û çiwalan tirte û berde êşte cêbanê xo.

Ewro çê bi çêye wezîr û wekîlanê AKP ke sayê kerê, bawer bikerîme ke zê andalê cilan qatbi qat û bi mîlyonan dolarî vejîne. Nê dizdan û rişvet weranan , heto ju ra bi namê Heqîdîndarîye kerde, heto ju ra kî bi namê şeytanê zere xo dizdenî kerde. Nînan dîn û îmanêxo êşt, bîla dizdîyenîya heqa feqîr û fuqarî kerdene kewtî. Nê bêvîjdanan de rama heqî kîmerhametî kî çîn o. Çimê nînan ke gûnayî di-hîre quriş pereyî ra, nê dînê xo kî îmanê xo kîerzenê binê linganê xo.

Erdogan ra bi wekîlanê xo nafa kî qine erzenê we ke: “guna û mobalê ma cênê” vanê. Êndîrind êno zanitene ke guna-mûna gûretene çîn a, herçî nawo verba çiman. No honde pereû pol kot ra amo? Nê dizdan cîgerê miletî kerde zerd. No hukemato dizd êndî gere ke îstîfa bikero.

Nare-nara û kare-kara Erdogan ya. Wulle xof û terso henên gureto ke visîyopêro. Fethullah Gulenî, êndî xapê vilê Erdoganî gureto xo dest. Na xapa Cematê Gulen ra, raxelesîyena Erdoganî kî beno ke taye waxt bicero. Hênî aseno ke AKP û cematî hona xêle jumînîgilvijnenê. Hurdîmena kî heqa jumînî de êne.

Na kî rind bêrone zanitene ke Fethullah Gulen zaf pîyayê de taloko. Beno ke des qatî hona Erdogan ra dot o. Dişmenê elewîyan ju Erdogan o, ju kî Gulen o. Gere şarê ma nê hurdîmenara kî hezbê xo bikero. Hela Heqî ardo werte ke nê hurdîmena kî jumînire bîye dişmen. Nînande şeytano kor basnêkeno. Ewro şarê ma ser o zaf kayê qilerînî êne kaykerdene. Serê nê kayanê qilerina kî Gulen onceno. Projeya Cemxane û Camîye kî projeya nê zatîya. Yane no zat zê morê binê şimela vaşîyo. No sebeb ra wo ke gere nê kay û projêye nîya qilerînî berene rijnayene.

Her hetê ma êndî bi dizdan û rişvet weranan amo guretene. Destê nê dizdan û rişvet weranan kî gere bi weçîntîşê adare berenê şiknayene ke wa dolimena kî rixe de nîyanenê mewerenê.

Wusêne Gestemerde

Berlin,31.12.2013

(Resim: charkrem)

1 ŞÎROVE

  1. Na mesela meseleya Tirkuna, ebe destkerdise Amerika na qileriniye nika wejina teber. No meselak mare musnenoke be Amerika yaki Ewropa, welate je terre Tirkiya raye ra vejine, xo eynaya dewan de vinene, xafilede niya anera raye. Rindke Amerika esta ke inan niya eyar keno. Endi Kurdik dismeniya Amerika ra bitexeliye, sivilizasyone tewr rinde na dinya de mak endi rind serime u newesiya domanene cepgiru cawerdime. Herbe Gulen-Erdogan mudahaleye sermayaye miyannetewiyo u dime piyaameyise Iran u YDA, peyseronitise Tirkiyayo. Tirkiya zerre de u teberde giran kerd vind u 2014 de Tirkiya gama xo teber ra onceno u meselaye zerey de mesgul beno. Na seserre iya Kirmancuna, iya Iran o, iya Azeriyano u iya Israil o. Gerekeke kurdi ney rind fehm kere u ebe inan rind sere. Erdogan u Gulen endi sekene bikere, mesela kurdi qe niya… Raye xelesiyayise ma ebe YDA, Israil, Iran u Azeri ra beno…

Comments are closed.