Serekkomarê DYA Barack Obamayî hewteyo verên Pentagon de derheqê terorîstanê DAÎŞ û mucadeleyê DYA de qisey kerd. Ney de Obamayî rêxistinê kurdan goynayî.

“Par ma dî ke erd de wertaxê ma yê erjayeyî estê. Ma dî ke DAÎŞ peyser erzîna. Ma dî ke piştîya DAÎŞ senî Îraq û Sûrîye de şikîna. Pêro pîya DAÎŞ Îraq de 1/4 ê bandura xo kerd vîndî. Sûrîye de Kobanê kerd vîndî, no taw vakurê Sûrîye de kewte bin, şaristanê Tel Abyad destê înan ra ame girewtene. Bê girêdayîşê Reqqa, DAÎŞ nîya îzole bena”, Obamayî va.

Obamayî ra gore DAÎŞ seba pêro welatanê mintiqa yew tehdîd o û coka mecburî pêro welatî hîna zaf pêro bidê. “Na lebata leşkerî nîya. Îdeolojîyî bi çekan nênê qedênayene, la bi fikranê rindêran.” Ancîya, Obamayî va ke cengê verba DAÎŞ cengêde çîp nîyo, la wextêde derg de bi hetkarîya hêzanê cayîyan ra çareser beno.

Heto bîn ra kî wezîrê asayîşî yê DYA Ashton Carterî derheqê têkilîya DYA û YPG de qisey kerd. Carterî va ke çekdarê kurdî yê YPG duştê DAÎŞ de xurt danê pêro û DYA înan rê destekê taktîkî danê.

2 ŞÎROVEYÎ

  1. ero obama mobana mevaze mı ra he tabi ki domone ma rınd pöre dane to horra nıka farq kerd? Tewww adırê pîye sıma!

  2. Sanse zof rind nika kut deste Kurdan. Be ideoloji bi eql u huner no giredayise rind bi YDA pet bikere. Niya nejdide parceye diyen yeno xelesnayis. Kaye tirki negureya, inan vast ke Rojava bi kanton juminra izole bikere, Gerilla bionce uska, cekan u informasyon bidere ceteyan u niya venge cence kurdan uskade bixenekno. Tirki hen durri siyeke, alaya komunistan u nameye YPG ye be Kurdistan bile hete MIT amo virastene. Labele peyniyede venge tirki bi YDA ame xeneknene. Partiye kurdan endi cimane xo rakere u kare xo bikere.

Comments are closed.