Nuştoxê rojnameyê muhafezekarîyê dîndarî yê Tirkîya Zaman Huseyîn Gulerceyî derheqê kurdan de meqalêda tehdîdkare nuşte.
Meqaleya xo ya 27. temmuze de ke babeta xo “mucadeleyê terorî” yo, Huseyîn Gulerceyî nîya nuşt: “(…) Seba naye êndî demo nîp û newe seba mucadeyelê terorî esto. Tirkîyaya newîye na fay êndî do poştîya (paştîya) nê terorî bişikno. Na fay selahîyetdarî, berpirsîyarî û înîsîyatîfî destê humatê sîvîlî de bê. (…) Dost û dişmen, her kes do bivîno ke pê gureyayîşo ahenk ê polîs, cendirme û juyîyanê (yewîyanê) taybetî yê eskerî ke binê îdareyê sîvîlî der ê, se beno.”
Huseyîn Gulerceyî nuşteyê xo de welatperwerê kurdî ke zon (ziwan) û kulturê kurdkî wazenê û seveknenê, înan jê (sey) nîjadperest name kerd. “(…) 14. temmuze [kiştişê 13. eskeranê tirkan hetê hêzanê HPG ra û îlankerdişê xoserîya demokratîke hetê DTK ra; Red.] nuqteyêde vurnayîşî seba înanê ke bingeyê nîjadperestîya kurde ra sîyaset kenê, bîyo. Nîjadperestê kurdî, PKK, KCK, BDP, pêro Qendilî do bivînê ke ‘xoserîya demokratîke’ ke înan 14. temmuze de îlan kerde, înan ra qederî qet bêmana yo. Çike persa kurdan bi hişêde nîjadperesto despot ney, xoserîya kesî bi fehm û ferasetê azadîye hel bena.”
Tayê roşnvîr û sîyasetkaranê kurdan ra no nuşteyê Gulerceyî îlankerdişê cengî yo newe duştê şarê kurdan der o.
Nî qayite ayney kene u riye xo ser nusne kene, nejadpereste despot kurdi nize, simaye. Kurdî tarixe xode kes re zione xo qedexe nikerd, kesre zulm nikerd, welate qes herîs nikerd. Niy Tirkiya de her ca ard bine paskule xo, nika vazeneke kurdîk biyare bine kontrole xo. Labele ni hewne inu beno hewne xîrabin. Kurdî endi xoserîye demokratik usn. ney Kurdistane Xoser biwaze. Eke niya mekere kare u ameyoxe siyaseta Kurdî peyser sono. Hete Gülen ravera kare xo rojnameye xode nusne kene, tepiya ney pratîkte musnene. Gerekeke her kes ney ser vindero.