Mîtîngê weçînitişî yê HDP ke Dîyarbekir de ca girewto, tede di teqayîşî qewimîyayî. Sebebê teqayîşan hîna tam bellî nîyo. Tewr tay 20 kesî bîyê dirbetinî.

Bi se hezaran kesî beşdarê mîtîngê HDP ê Dîyarbekirî bîyê. Hîna sebebê teqayîşan zelal nêno zanayene, labelê 20 kesî dirbetin ê. Melumatê Ajansê Xeberan a Firatî (ANF) ra gore, polîs virênîye ro şar keno ke wazeno dirbetinan bibero ambulansan. Polîsê tirkan bi bombayanê gazî mudaxeleyê beşdaranê mîtîngî keno.

Eke no teqayîş hêriş o, hêrişo verên duştê HDP de kî nîyo. Perey wasitaya partîye Çewlîg de rastê hêrişê çekdarî bîbîye. Sey netîce ramitoxê wasita Hemdullah Oge ame kiştene. No hêriş şanê roja çarşemîye Kanîreş ê Çewlîgî de qewimîya.

3 ŞÎROVEYÎ

  1. Hata ke ma tirkanra, partiya tirkanra, eskere tirkan ra, siyeseta tirkanra nexelesiyime, qirrkerdena kurdan dewam beno.

  2. nale şöro dine! sıma vinene ne hain û bêbextû sekerdo! goniya ma rışna tepîya vane provokasyon! meşte mılet hesave cı ceno sıma pöre vinene

  3. adir bikuyo çê înan. kam ke kerdo Xizir kaleka ci rasano sa vacî. Tim kirmanc yenê kiştene tim gonîya sarê ma hardde manena ! hama ma raa Haq ra raşt sonme meraq mekere. Pê ma honde rahat kay nêbeno!

Comments are closed.