Kaseto verên ê skandalî ra tepîya nika kasetêna derheqê sîyasetkaranê partîya Tirkîya MHP de vejîya. Jê (sey) netîce 6 namzedanê weçînitişî îstîfa kerd. Naye ra sebebê kasetanê skandalî ra pêro pîya 7 sekreteranê ardimî û 3 wekîlanê MHP partî ra îstîfa kerd.
Aşmê weçînitişê parlamentoyê Tirkîya ra ver, Înternet ser o kasetê ke tede sahneyê seksî estê, amey neşr kerdene. Nê kasetan de merdim (mordem) vîneno ke endamê berzî yê MHP ke zewejîya yê, bi çênekanê (kênekanê) bînan de cile der ê. Bi nê kasetan 15 sîyasetkaran ra 10 teneyî ke girêdayeyê ekîbê A yê serekê partî Devlet Bahçelî yê, îstîfa kerd.
Pisporanê sîyasetê Tirkîya ra gore hewteyê verê ma kasetêna bêrê eşkera kerdene. Rojnameger Nazli Ilicakî ra gore beno ke kasetêde endamê AKP kî bivejîyo Înternet ser o. Tayê pisporan ra gore nê kamerayî hetê kesanê terîqetê Gulenî ra amey ardene bi Tirkîya. Pê nê kamerayan heyato taybetî yê xeylê sîyasetkar, karmend û kadroyan ameyo antene (ontene).
