Sereko kan ê partîya Tirkîya CHP Denîz Baykalî ra tepkîya nika kî vîdeoyêde endamanê partîya nasyonalîst a Tirkîya MHP Înternet ser o sîteyanê vîdeoyan de ame neşr kerdene.
Rîyê nê vîdeoyî ra partîya MHP de qarnaşîyêda girse vejîyaye meydan. Tede wekilê Adana Recaî Yildirim û wekilê Kirşehîrî Metîn Çobanoglu qisey kenê. Vatena înan medyaya tirke de jê (sey) skandal ameye name kerdene. No vîdeo de Yildirim û Çobanoglu ju (yew) çê (keye) de bi di cinîyan yenê dîyene ke serê qenepe de nisenê ro û lewe nanê jubînî (yewbînan) ra.
Qiseykerdişê di sîyasetkaran ra beno eşkera ke MHP pê tewir ya kî gureyayîşo nemeşrû ra pere qezenc kena. “Seba destekkerdişê mi, Mahmut Comoglu hîrê cayan de erdlerz ra tepîya kar girewt û 5 mîlyonî ra zêde pere qezenc kerd. Ey kî mi ra telefon kerd, va ‘Ez wazena ke ju (yew) weşîya mi to rê bibo.’ Mi kî va, ez çîyê nêwazena, ez tena cinîkê to ra vazena.” Mewûyê bînî kî fantazîyê seksî, babetê sîyasî ûêb. bîy.
Aye ra kî dot prensîp ya kî hurmetê îtîqad ser o bi hewayêde rezîl qisey beno, cinîke ra ke leweyê înan der a, vanê, “Ti ke kûna zereyê tulbent û tesetturî, ez to ra tenêna hes kena. Of mevaze, henî qayîlê mi beno ke, ti nêzanena. Eke Selvîye kî bikuyo zereyê tesetturî…” Ser o kî Recaî Yildirim vîdeo de cinîya xo ser o nîya vano, “Ez her roja Heqî şona pavyon. Labelê cinîya mi roje de panc (ponc) reyî nimajê xo kena.” Ro elewîyan kî heqeret yeno kerdene, ci ra “bêşeref” vanê. Halîfê muslumanan Hz. Osmanî ser o kî qisey beno, vateyê xirabinî yenê vatene.
Jê (sey) netîceyê nê vîdeoyî her di wekilan MHP ra îstîfa kerdî. Serekê MHP Devlet Bahçelî vîdeo şermezar kerd û va ke namûsê partîya xo naye ra zerar nêgirewto.
MHP zi sey CHP xo rezil kerd. :))
Yew cad şima şaş nuşto.
“Pêxamberê muslumanan Hz. Osmanî ser o kî qisey beno, vateyê xirabin yenê vatene.” nusîyayo, la ğelet o.
“Halîfeyê muslumanan ra” binusîyo hîna raşt beno.
Halife zafî, la peyxambero peyen Hz.Muhemmed o.