Serekê xeberan ê kanalê televîzyonî yê tirkan Kanal D Mehmet Alî Birandî vizêr dinyaya xo vurna.

Birandî Nêweşxaneyo Amerîkan de tedawî dîyêne, yew operasyonê qijkekî yê zerdawa xo de problemê zerrî vejîya. Birandî saeta 18:29 de sereyê xo na ro.

Mehmet Alî Birdanî par bîyografîya xo de eşkera kerdîbî ke o bi xo kurd o. Birandî naye ser o nîya vatîbî: “Hetê maye ra keyeyê mi kurd o. Pîyê maya mi Xarpêt Pali de ame dinya. (…) La kesî qalê kurdîye nêkerdêne. Serrê ke şîy, mi dest kerd ci ez mesela kurdan de eleqedar bîya. Dima ez zewejîya, cinîya mi Cemre va ke ‘Keyeyê to kotî ra yeno, de hele ez bigêrî.’ Aye xalê mi ra pers kerd. Xalê mi kî va, ‘Eslê xo de ti nême bi kurdê zewijîya.’ Nîya kurdîya mi vejîya meydan. Ez xo sey neteweperwero kurd nêhesibnena. Ez tirk a. Sey tirkê kî ez heqanê kurdan hîna ciddî vînena. Eşkera bî ke ez kurd a û seba naye kî ez îftîxar kena.”

Mehmet Alî Birand medyaya tirke de kesêde namdar bî. Serra 1988 de ey bi serekê pêroyî yê PKK Abdullah Ocalanî de yew roportaj kerdîbî.

CEWAB BIDE

Keremê xo ra şîroveyê xo binuse
Keremê xo ra nameyê xo binuse