Şaristanê Kurdîstanê Rojhelatî Mehabad de protestoyê şidetinî mabênê polîsê Îranî û kurdanê şaristanî qewimîyayî. Sebeb merdişê cinîka kurde bî ke xo otelê Tara ra eştbî cêr.

Ferînaze Xosrawanî karkera otelê Tara bîye. Cinîka kurd a 25serran xo qato 4. yê otelî ra eşt teber merde. Semedê xoeştişê cinîke hîna tam bellî nîyê, melumatan ra gore memurê îstîxbaratê Îranî (Îtlaat) waşt cinîke tecawuz bikerê. Seba ke Ferînaze raxeleşîyo, aye xo pencera ra eşto teber û nîya canê xo da.

https://www.youtube.com/watch?v=bL4qgNsOlcw

No sebeb ra roja çarşemîye bi hezaran kurdê Mehabadî teberê otelî de ameyî pêser ke kiştişê/merdişê cinîka kurde protesto bikerê. Polîs bi gaz mucadeleyê protestokerdoxan kerd. Protestoyî çîp reştî sewîyeta têkewtişî. Melumatan ra gore xeylê protestokerdoxî, xeberanra gore mabênê 15 û 27 kesî, bîyî dirbetinî. Yew xebere ra gore zî 2 protestokerdoxî ameyî kiştene. Têkewtişê bi polîsî de otel hetê protestokerdoxan ra ame veşnayene.

Protestokerdoxî wazenê dewaya duştê tecawuzkerdoxê Ferînaze de bêro rakerdene. Raporê polîsî ra gore sermîyanê otelê Tebrîzlî Seyîd Murteza Haşîmî ke sucdar beno, ame tewqîf kerdene.

Hetê selahîyetdaranê dewlete ra ame waştene ke derheqê merdişê cinîke de cigêrayîş bêro kerdene. Serekkomarê Îranî Hasan Rûhanî mehabadijî îqaz kerdî ke sakîn bimanê. Çi esto ke ewro kî têkewtiş û protestoyî dewam kenê. Rejîmê Îranî şaristan ser o halo îstîsnayî îlan kerd. Tayê çimeyan ra gore artêşa Îranî raya Mehabadî der a ke dormeyê şaristanî bicêro.

3 ŞÎROVEYÎ

  1. eey kırmancêne cirane ma e! na ondêr dîndare İran qome ma sero zof zülüm onto ha nıka ma heyfe ho ceme. işalla peşmerqa gerila uza ık devrim keno ke ma endê raxeleşime

    • Îran Îraq nîyo… Îran hewna gewz o, xurt o. Pasteran û asayîş her ca de estî, destê dewlete Kurdîstan de zî derg o. Ma eşkenî rewşa Kurdîstanê Rojhelatî bi ya Kurdîstanê Vakurî muqayese bikerê. Yewna çî, şarê Îranî hema pasîf o. Herçiqas ke ma hêvîdar î ke ewca şorişêk biqewimîyo, îhtîmal zehf çin o

  2. Hona wextê Tirkîya û Iran nîyamo. Qemera domîniya viren Irak bî, diyîne Surîya yo. Kurdan hata nika Surîye de besenikerd ke pistdayisê miyanetewî serba xo bixebitne. Parçebiyayis û îdarekerdisê hetê ju lîdero ke zere dero, no avantajê tarîxan keno dirbetin. Bi destegê Amerîka, Kurdan gerekeke heze co bidere Rojava Kurdistan û gama xo bierze Deryayê Sipî. Tepiya qemerê Tirkiya û Iran bi xo gineno war.

Comments are closed.