Pêrodayîşê qereqolê Mamekîye ra tepîya ke tede di gerîlayî û yew polîsî ameyî kiştene, şarî hêzê polîsî şermezar kerd. Sey netîce, yew polîsî çeke xo vete naye hetê şarî ra.

Boyna yeno vatene ke yew gerîlayo dirbetin ame berdene nêweşxane, çar sîvîlî kî bîyê dirbetinî. Hêzanê dewleta tirke ambulansa ke dirbetinî berdêne, na pira. Sey netîceyê piranayîşê polîsî ra yew teknîsyenê ambulanse giran bî dirbetin.

Dêrsimijê ke operasyonê polîsî protesto kenê, bi slogananê “Şehîd nêmirenê” vejîyayî kuçeyan. Polîs bi wasîtayanê TOMA ûêb. bi gaz û awe mucadeleyê şarî keno. Seba ke merkezê Mamekîye hetê polîsî ra ame girewtene, şar bi xo dirbetinan tedawî keno.

Parlamenterê Dêrsimî Alîcan Onlu, hemsereka şaredarîye Nurhayate Altune û heyetê înan hetê polîsî ra tehdîd bîyê. Onluyê ke bi ANF qisey kerd va ke înan waşt meyîtê gerîlayan bigîro, la qereqolî bi çekan destûr nêda.

1 ŞÎROVE

  1. Dewran yeno ke eskerê Misto Korî Kurdistan ra def bene sone. 100 serre ro ke cencene ma, domene ma kist, asîmîle kerd. Kamo ke hona hewnê xode Ankara de vekîlen vineno, tu ken riyê înura. Endî la qurfîya. Hetê jude Kurdistan hetê bînde Tirkîya esto. Endî sîyaseta werteyî qedîya.

CEWAB BIDE

Keremê xo ra şîroveyê xo binuse
Keremê xo ra nameyê xo binuse