Dêrsim Mamekîye de yew leyîrê heşî ke merde yo, ame dîyene. Cendegê leyîrî yew erazî ser o ame dîyene. Texmînan ra gore leyîr 2 serre de bîyo.

Vatena dewijan ra gore, verê cû leyîr bi way û birayanê xo zaf ame dîyene. Sebebê merdişê leyîrî nêno zanayene. Qafika heşî masabî. Beno ke mar şî pede. Dêrsimij Musa Kuluyî ke leyîr dî, va ke “Ma xafil de dî ke heywan seweşîyo ra. Ma ceribna ke tey eleqedar bîyîme, hema wexto ke ma reştîme ci, bêteqate mendîbî. Emrê heywanî nêmend. Nêşikîya nefes bicêro, pay ra vindo. Seweşîyayêne ra gina war o. Peynîye de merdo. Ma besenêkerd yew canî raxelisnîme.”