Şaristanê başûrê Fransa Marsîlya de komela newî ya elewîyan ame saz kerdene. Roja rakerdişî de xeylê kesî banê (bonê) komele de amey pêser.
Rakerdişê komele de ke nika ra adresa taxa Danîel Casanovayî de karê xo kena, nuştox Esat Korkmaz, nuştox Hasîm Kutlu û temsîlkarê Federasyonê Elewîyan a Fransa Dursun Coşar beşdar bîy. Elewîyê Marsiîya ra kî 200 ra zêde kesî salon de cayê xo girewt. Grûba sema ra tepîya deyîrbazê kurdî Emekcî, Îsmet Şengul û tayê hunermendanê cayî konserê xo da.
Heto bîn ra Komela Kurdan a Marsîlya ju (yew) mesajê bimbarekkerdişî rusna Komela Elewîyan û da zanayene ke nê di komelî dest danê jubînî (yewbînan).
