Kobanê de heta ewro bi seyan cengdaranê YPG û YPG heyatê xo da, nika kî yew pêşmerge bî şehîd. Roja dişemîye pêrodayîşê bi çeteyanê terorîstanê “Dewleta Îslamî” de Zerevan Akram canê xo teslîm kerd, doktorê pêşmergeyan va.
Teşrîna verêne ra bi nat, Herêma Kurdîstanî 450 pêşmergeyî rusnabîyî Kobanê ke dest bidê cengdaranê YPG. Nê çar aşman de xeylê pêmergeyî bîyî dirbetinî. Melumatan ra gore nê hewteyanê peyênan de hêzê YPG û pêşmergeyan pîya duştê çeteyan de raver şîyê û nika % 80 yê şaristanî kontrol kenê.
