Goreyê xebera Merkezê Çapemenî ya YPG, Kobanê de çar rayîrê serekî çeteyanê terorîstan ra ameyî pak kerdene.
Vilaweke de yeno nuştene ke roja 122. yê cengê Kobanê de endamanê rêxistina terorîste ke xo sey “Dewleta Îslamî” (DÎ) name kena, hêrişêde newe kerd. Duştê nê hêrişî de hêzanê YPG û YPJ operasyonî ramitî. “Mintiqaya mabênê rayîrê 48. û sereyê başûrî yê şaristanî de, uca hetê hêzanê ma ra yew operasyon ame viraştene. Operasyon Miştenur ra heta rayîrê 48. şî û çeteyî giran dirbetin kerd. Hêzanê ma çar rayîrê serekî çeteyan ra pak û azad kerdî.”
Sey netîce 14 endamê DÎ ameyî kiştene, xeylê malzeme, çekî û tayê wasîtayî kî kewtî destê YPG.
