Wendoxa delale, wendoxo delal,
bî nêzdîyê yew aşme ke ma DêrsimInfo ser o gureya, xo hem zere ra hem kî teber ra vurna. Ewro ra tepîya şima keyepelê ma bi dîzayno newe vînenê. Tayê fonksîyonî vurîyay, tayê çîyî betal bîy şîy, tayê çîyî kî newe amey. Seba naskerdişê asayîş û xebitnayîşê keyepelo newe, keremê xo ra qayîtê galerîya corêne bikerê. Uca pêro çîyî rehet-rehet îzeh benê.
Wendoxê delalî,
ma xeylê fikirîyay. DêrsimInfo çik o? DêrsimInfo kam o? Çikî rê beno? Nê persan ra gore ma xo newe ra eyar kerd. Ma wazenîme ke kirmanckî her warê heyatî de vila bo. Ma êdî sirf keyepelêde xeberan nîyîme. DêrsimInfo fikr û vateyanê neweyan pêşkêşê şima keno. Seba ke ziwanê ma atraktîf bimano, seba ke ziwanê ma cayê xo seserra newîye de kî bivîno û seba ke ma venga xo bi hezar rengan bidîme, ma ewro ra dime bi kincanê neweyen û zerrîya pake wazenîme mucadeleyê fikrî yê kirmanckî bîyarîme mezgê şima.
Êdî DêrsimInfo zanayîş o, kultur o, keyf o, îqaz o, vîr o, dawetî ya. Her çî ke beno, bi kirmanckî beno. Ma kî seba naye tenêna benîme xefîf, la herinda ci de kî tenêna çîp. Axirî, ma kî bêrî û bêziwan nîyîme. Serredaktor û seredîtorê ma xo DêrsimInfoyo newe de danê nas kerdene, hem keyepel îdare kenê, hem zî bi xo benê kuncnuştox ke zafvengî û zaffikrîye rê xizmetêde girs bikerê. DêrsimInfo xo pêro dinya rê keno ra, xo bi omidêde xorîn wendoxanê xo rê musneno. Ma hêvîdar îme ke şima, wendoxê delalî, emser kî ma ra pîya na raye ra şêrê û bi şîrove, nuşte, parekerdiş û fikranê xo dest danê ma, dest danê geşkerdiş û raverberdişê kirmanckî. Şima kêmî mebê!
Serra newîye de şima bimanê weşî û warîye de, wa 2013 şima rê serkewtiş, huzur û vêşanîya wendiş, nuştiş û qiseykerdişê ziwanê xo bîyaro!
Redaksîyonê DêrsimInfo
Dersiminfo
Ez bi newepelo şima yo newo xeylî k Iefweş bîyo. Sey sima zî sere kewtenê ez ziwanê ma rind nêzana, la teze musayena. Ez bawer kena ke bi ardimî keyepelo ma do rindtir û leztir bimus.
Keyeyê sima awan bo!
Ayayatu
DêrsimInfo kare de rind virazeno, dizaynê neweyî zof rind amo, sarre mare bimbarek wo.
Verina, roja verên ra, ez bizerrweşîye keyepelê şima teqîb kena. No dîzaynê şimayo newe kî rind o labelê seke font û puntê herfan rind nîyo. Herfê biasan nînî wendene (tam sîya nîyî), herafa “ş” de problem est o. Şima Calibri 11 punto binusnî hîna hol beno.
Bimanî weşîye de.
homa şima ra razî bo. şima zaf girwe yo weş kenê. ez şima zaf sînanê û teqîp keni. eke mi dest ra bêro se şima rê nuşteyan zî şawitani.
timûtim zerreweş bê.
zaf selamî…