Namzedê partîya CHP yê Dêrsimî Kamer Gençî rojnamegera rojnameyê tirkî Sabah Sevîlay Yukselîr ra vato ke “Dêrsim kirmanc-mirmanc nîyo, hur tirk o. Ma rê çikê mesela kurdan ra? Çîyêde nîyanên xora çin o.”

Qiseykerdişê Kamer Gençî bi Sevîlay Yukselîr rojnameyê Sabahî de ame neşr kerdene. Demê ra raver, namzedanê bînan ê CHP kî ju (yew) programê televîzyonê tirkî NTV de vatîbî ke Seyîd Riza pîlê Dêrsimî nîyo, tena yê eşîra xo bî. Na rey kî Kamer Gençî heqeretê xo dewam kerd û ceribna ke şarê Dêrsimî jê (sey) lajê tirkan bimusno.

Kamer Gençî telefon ra Sevîlay Yukselîr de ro Ferhat Tunçî kî heqeretê giran kerdo vato, “No Ferhat Tunç kam o? Cinitişê tembure ra qederî ey seba Dêrsim se kerdo? Bi vatena ‘Ma kurd îme, dêrsimij îme’ dêrsimijîye nêbena. Ma kurd-murd nîyîme. Ma rê çikê mesela kurdan ra? Xora meselade nîyanêne çin a. Ma tirk lajê tirkî yîme!”