“Ma kerdîme kamyonan.
Binê çimanê di eskeranê çekdaran.
Dima, bi nê eskeran kerdîme vagonê barkerdişî.
Raywanîya çend rojan ra tepîya eştîme dewê.
Aye ra ver kutikî lawayêne.”
Cemal Sureya tertele û surgunkerdişê 1938 bi na şîîre ano ra zon (ziwan).
Cemal Süreya serra 1931 de Pilemurîye de ameyo dinya û jenosîdê 1937-38 ra tepîya bi famîlyaya xo hetê Bîlecîkî surgun bîy. Cemal Sureyayî xeylê kitabê şîîran bi tirkî vetî. Şîîranê ey de dej, xemginîye û bêkesîye yenê dîyene. Aye ra kî dot Sureyayî xeylê kitabê dinya çarnay tirkî ser.
Cemal Sureya 9. çeleyê 1990 de dinyaya xo vurna. Welatê xo ra dûrî, zonê (ziwanê) xo ra cîya û bi dejê 1938 reşt heqîya xo.
“Ez mirena, Heqo
Ha no kî bî.
Her merdiş merdişêde rew o
Ez zanena, Heqo.
Labelê, heyato ke ti cêna
O kî xirabin nîyo…
Çi ke ser o mendo, wa bimano…”
