Duştê pêro protestoyan de, kurdê 22. serran Saman Nasîm û hevalê ey hetê rejîmê Îranî ra ameyî darde kerdene.

Hukmatê dewleta Îranî ancîya hepsîyê sîyasîyê kurdî darde kerdî. Saman Nasîm 2011, wexto ke hîna 17 serrî bîbî, semedê endamîya PJAK (Partîya Cuya Azad a Kurdîstanî) tewqîf bî. Kanûna 2013 de dadgeha Îranî qerarê dardekerdişî da. Goreyê mehkeme yewna sucê xortê kurdî dişmenîya Heqî (mûharebeh) yo. Melumatan ra gore îfadeyê Nasîmî binê îşkenceyî de ame girewtene.

Roja çarşemîye keyeyê Nasîmî hepisxaneyê Urmîya ra xebere girewte ke çîy-mîyê lajê xo bigêrê. Roja panşemîye xebera dardekerdişî ameye. Avûkatê Nasîmî xebere tesdîq kerde. Aye ra teber birayê Alî Efşarî û Habîbullah Efşarî kî darde bîyî.

Xeylê rêxistinî sey Yewîya Ewropa, Miletê Yewbîyayeyî, Rojnamegerê Bêsînorî û dewletanê sey DYA, Fransa û Almanya venga hukmatê Îranî da ke sucê dardekerdişî wedaro.