Cinîya serekkomarê kanî yê Fransa Françoîs Mîtterandî Danîelle Mîtterand roja 22.11.2011 de dinyaya xo vurna. Mîtterand 87serrîya xo de nêweşxaneyêde Parîsî de şîye heqîya xo. Danîelle Mîtterand hewteyê ra ver semedê nêweşîye ra ameybî berdene bi nêweşxane. Aşma êlule ra heta merdişê xo Danîelle Mîtterad nêweşe bîye.

Danîelle Mîtterand Françoîs Mîtterand de peynîya cengê dîyinî yê cîhanî, serra 1946 ra heta merdişê ey serra 1966 de zewjîyaye bîye. Hur dimêna (her dîyan) rejîmê nazîyan ra remaybîy û nîya jubînî (yewbînan) nas kerd. Françoîs û Danîelle Mîtterand xoverdayîşê Fransa “La Résistance” de duştê faşîştan de pîya gureyaybî. O taw Françoîs Mîtterandî xanima xo ra vatîbî ke “Danîelle aqilê mino çep o.”

Danîelle Mîtterand heyatê xo de hetê çepgiran girewtîbî, sempatîya aya girse seba Fîdel Castro û kurdan estbîye. Xeylê reyî hetê kurdan kerdîbî û heqanê şarê kurdan seveknayêne. Aye kurdanê Fransa rê destek da, keda aye ronayîşê Enstîtuya Kurd a Parîsî de kî zaf bîye.

Pêrar Kurdîstanê Başûrî de heykelêde Mîtterand ameybî ronayene.