Roje bi roje çeteyê terorîstî yê “Dewleta Îslamî” (DÎ) derbe gênê. Pêrodayîşê mabênê pêşmerge û çeteyan de, kuçeyêda Kerkûkî de 120 meyîtê DΠameyî dîyene.

Goreyê selahîyetdarê asayîşî Mohammed Xalîlî ra, nê meyîtî mîyanê kuçeya Kerkûk û Salah ad-Dînî de ameyî dîyene. Xalîlî va ke “ê meyîtê DΠhetê pêşmergeyan ra taye rojan ver ameyî kiştene. Hêrişê ke hîrê rojan ra ver ame kerdene, tede kî xeylê çeteyê Dî hetê ma ra ameyî kiştene.”

Roja înîye çeteyan hêrişê Kerkûk û dewanê dormeyan kerdbî, tayê dewî kewtî înan dest, la operasyonê pêşmergeyan seba peysergirewtiş netîceyê rindî ardî meydan. Xeylê çeteyî dormeyê Kerkûkî ra remayî şîyî.