Cigêrayîşê Wezîrîya Seveknayîşê Werdoxan ê eyaletê Almanya Baden-Wurtembergî ra gore hemgênê (hingimênê) ke Tirkîya ra ra yeno, tede madeyê neweşî estê ke zerar dano weşîya însanî. Goreyê pêşnîyaza wezîrîye merdim (mordem) no hemgên (hingimên) mewero.
Seba ke mêşê hemgênî axûyê bi nameyê “grayanotoksîn” ke zereyê vîlikan der o, wenê, pisporê weşîye vanê ke “Hemgênê (Hingimênê) Tirkîya mewerê”. Keso ke no hemgên weno, bi îhtîmalêde girs nêweşîya roqila (loqile) û pîze cêno. Naye ra dot tesîrê bînê xirabinî yê hemgênî tansîyono berz û zêde erqedayîş ê.
Cigêrayîş ra gore bitaybetî hemgêno ke hetê Deryaya Sîyaye ra yeno, tey tehlukeyê esto, çike no cografya de xeylê nebatê axûyinî estê. Tirkîya de no raver ra ameybî zanayene, labelê werdoxê Tirkîya nêamey xeberdar kerdene.
