Grevê vêşanîya zîndanan ebe serfirazîye reşt armancê xo. Ez seba na mucadela înan her jû ver de bi rûmet beno çewt. Kedkaranê pêrune rê bi hîsanê xoyê germinan silam keno.
Ewilî Amed de, aye ra dime kî Kandira û Bolu de dest kerd grevê vêşanîye. No qerar zereyê waxtêde kilm de zîndananê Tirkîya de bî vila. Hûmara grevê vêşanan pancas-şestî kesî ra vecîya 683 . Wezîrê edaletî yê tirkan Sincanî de nîyada. O şop vecîya huzirê rojnamegeran.
Wezîrê edaletî: “Heya, îta de bindestî non nêwenê. Ewro seş sey û heştay û hîrê peyayî grevê vêşanîye der ê”. Serekwezîrê Tirkîya Erdogan bi şansolyeya almanan Merkel ra pîya Almanya de vecîyay kamera ver. Persê rojnamegeran ser o vat: “Tirkîya de jû kes grevê vêşanîye de nîyo.” Tewr nêşermayîya. Verê hondê rojnamegeranê dugelan de rîyê Ewropa de zurî kerdî.
Erdoganî fina vat: “Nê şov kenê… Nê ebe şantaj vanê înan bîyarîme raye. Koyan de merdiş kî, kiştiş kî şov o. Weçînitê xo goştê verekan ra kebaban wenê înan kî rusnenê grevê vêşanîye.”
Weçînitanê BDP ra kî vano: “Xora motacîya înan û perhîzî esta…”
Nê vatenanê xo ra dime çimsûrîya xo dano dewamkerdiş vano: “Şaro tirk êxdam wazeno.”
Ez wendoxanê hêcayan rê qesanê Netanyahu û Erdoganî têkîşte de ronî. Şima bifikirîyê. Netanyahu: “Miletê Îsraîlî vano, hêrişê serê Fîlîstînî wa dewam bikero.” Erdogan: “Şarê ma vano, êxdam tepîya bêro.”
Grevê vêşanîye de demokrat û welatperwerê Kurdîstanî pêro lingan ser o bîy. Ancîya kî Erdoganî zem û zuran, red û înkar ra dot çîyê nêard zon.
Çi wazenê, armancê grevê vêşanîye çik o? Bi kilmekîye:
- Zonê dayîke de perwerde
- Dadgehan de bi zonê xo xo îfadekerdiş
- Doza Kurdîstanî ebe qewlê demokrasî çareser bibo
- Qerarê tecrîdî bêro ronayene û dest bikerê mûzakere
No derheq de rayber fina kivş o. Grevê vêşanîye de endî amebî şêmuga merdişî. Na roja sîyaye hem tirkan rê, hem kurdan rê rayêda bêpeynîye bîye. Şarê kurdan vano: “Ma herb nêwazenîme, ma çareserîye wazenîme.” Şîyarê xo zere û can ra ardêne ro ziwan. Reyna ebe nê qeydî kurdî bî jû can, her kes ebe hîsêde xorîn grevkerdoxan ro wahîr vecîya. Roşnvîr, hunermend, sîyasetmedar, rojnamegeran xeylê ca girewt. No qewet û hêz grevkerdoxan ra yeno. Naye xo vîr ra mekeme. Biciwîyo şoreşê şarê kurdî.
Mehmet Seyîtalîoglu
Endi Erdogan mesele mekerime, iy dismen e, tena dismenen kene. Ma kare xo re niyadime. Greve vesaniye de her kes di ke sare kurdi herbi yeno telewe, no zof muhim o.