Lejkeranê hêzanê PKK qezaya Dêrsimî Pilemurîye de raye birnaye û seba ju (yew) saete kontrolê nasnameyan kerd.
Nêzdîyê Pilemurîye de pê veşnayîşê di tankeranê petrolî PKKijan raye birnaye û dima nasnameyanê pêro raywanan kontrol kerd. Ju (yew) qorîcî bi nameyê Îsmaîl Gurbuzî no kontrol de ame berdene koyan. Tayê otomobîlî kî amey tey berdene. Dima, eskeranê Tirkîya cayê serebûtî de dest bi operasyonan kerd. Nara, teqayîşê bombayê de çar eskerî bîy dirbetinî.
Heto bîn ra qezaya Dîyarbekirî Xazro û Licê de çar malimê dewanê Helhel, Zenge û Licokî hetê hêzanê PKK ra amey remnayene. Jê (sey) semedê remnayîşî gerîllayan day zanayene ke seba ke domanê kurdî besenêkenê zonê (ziwanê) xo yê dayîke de perwerde bivînê, ê êndî nêverdanê ke naye ra tepîya perwerdeyê tirkî ya kî dersa derheqê tarîxê Kurdîstanî de bi îdeolojîya tirkî bêro dayene.
cha sone welate tirkude …………. tirku?
eskerine tirkure silayiye vezeneke bere welate ma?