Rejîsoro namdar ê sînamaya tirke Mustafa Altioklarî kanalê televîzyonî yê Haberturkî de derheqê mesela kurdan de qisey kerd, va ke Tirkîya de kurdî duştê asîmîlasyonî der ê. “Eke nameyê nê welatî Kurdîstan bibîyêne û eke mi jê (sey) tirkî besenêkerdêne zonê (ziwanê) xo qisey bikerdêne, nasnameyê xo serbest biciwîyayêne, ez kî vejîyayêne koyan. Eke ez kurd bibîyêne, seba xoserîye bidayêne pêro.”

Altioklarî qiseykerdişê xo de waşt ke dewleta Tirkîya êndî şarê kurdî de raya aştîye ra şêro. Altioklarî ra gore tirkî û kurdî aşt nêbenê, nênê têlewe û no semed ra kurdî bi zor ra asîmîle benê. Fikrê Altioklarî ra gore na saeta ra tepîya êndî pîyaciwîyayîş mumkin nîyo. Altioklarî nîya dewam kerd: “Gerek heqê xoserîya kurdan meşte bêro dayene. Federasyon ney, ez xoserîye van. Gerek tirkî û kurdî cîya bibê û dima jê (sey) cîranan rind pîya biciwîyê. Xora ez van, eke ez kurd bibîyêne, xoserîye, yanî dewletêda kurdan biwaştêne. Beno ke seba naye kî vejîyayêne koyan.”

CEWAB BIDE

Keremê xo ra şîroveyê xo binuse
Keremê xo ra nameyê xo binuse