Gerîllayo dêrsimij ke Kastamonu de hetê hêzanê eskerîya Tirkîya ra ame kiştene, hetê hezarî dêrsimijan ra ame wedardene. Endamê HPG Sancar Bulut (nameyê kodî: Seyîd Riza) bi şîwaranê kirmanckî hetê xeylê kirmancan ra ame wedardene.

Bi konvoyêde derg ra meyîtê Bulutî ame ardene bi sewa Mazgêrdî Soreke. Namzedo xoser Ferhat Tunç, sereka beledîyaya Dêrsimî Edîbe Şahîn, serekê beledîyaya Pêrtage Kenan Çetîn û wekilî Şerafettîn Elçî û xeylê kesî beşdarê wedardişê Bulutî bîy.

Maya Sancar Bulut meyît ser o şîwara kirmanckî ra vat “Ma bixeyr, cîgerê min o şêrê koyan. Nika ti şehidê pêro şarê kurdî ya, lajê înan a. Ti sehîdê Kurdîstanî ya. Sancarê mi, ti xeyr ameya.” Pîyê Bulut kî serê mezele de qisey kerd vat, “Seyîd Riza şehîdê pêro şarê kurdî yo. Ez nêwazena ke kes biberbo. Şarê ma bi ey ra beno xoser o û pêt. Her kes weş bo ke ey teyna nêverdo.”

Namzed Ferhat Tunçî kî bi kilmekî qisey kerd va ke: “Seyîd Rizayo mayo qij ma nika rast kenîme leyê pîranê ma. No hard (erd) hardê Seyîd Rizayî yo, Zilan o,  Alîşer o û hezar şêrê ma yo. Ma seba xoserîya şarê xo hazir îme ke canê xo bidîme”