Mêrikê deyndar o. Wayîrê deynan her roje yenê deynê xo wazenê. Pereyê mêrikî çin o ke deynê xo bido. Cinîya xo ra rojê vano, “Cênik, no nîya nêbeno. Vinde, ez xo çê (keye) de wedarî, kam ke ame deynê xo waşt, vaje, ‘Mêrdeyê mi şîyo Almanya’.” Cinîya bêçare qebul kena.
Wayîrê deynan her roje yenê. Cinîke vana, “Mêrdeyê mi şîyo Almanya.” Heridînê, hêrs benê şonê. Hama her roje henî nêbeno. Rojê rojan de reyna yew (ju) mêrik yena deynê xo wazeno. Cinîke reyna henî vana hama wayîrê deynî nêşono, cinîke rê heqeret keno. Cinîke qirena, nata bota haybîro kena. Mêrdeyê cinîke oda de no veng heşneno xo bi xo vano:
– Ax… Çi heyf o ke ez nika Almanya der a. Ez ke Almanya de nêbîyêne, mi zanitêne se kerdêne…
___
Çime: www.ilhamisertkaya.com
