Deyrîbaza qoçgîrîyije Beser Şahîn albuma xoya çarine vete. Albuma newîye Beser Şahîn bi nameyê “Seyristan” ra Kalan Muzîk de ame weşanayene.

Beser Şahîn na albume de bi (ebe) vengê xoyê otantîkî kilamê kirmanckî û kirdaskî vatê. Pêro kilamî Qoçgîrî ra yenê pêra. Beser Şahîn raver ra albumî sey (jê) Berîvane (1990), Nurhaq (1993) û Roj (2002) weşanaybî û 8 serran ra dime albuma xoya çarine ra eserêde giran ard goşdarkerdoxanê xo ver. Albuma Seyristanî de Beser Şahîn hunermendanê kirmancan Mikaîl Aslan û Cemîl Koçgunî ra pîya gureya.

Kilamê ke albume der ê:

  1. Xizir
  2. Tu Ne Royî
  3. Pepûg
  4. Doman Hesneno
  5. Lorîn
  6. Amêne Dina
  7. Sewlîye
  8. Xerib
  9. Delalê Mi
  10. Seyrîstan
  11. Çavbelek
  12. Toraq