Namzedo xoser ê BDP, hunermend Ferhat Tunç ame Dêrsim ke xeymeyê “çareserîya demokratîke” zîyaret bikero. Tunç bi sereka beledîya Edîbe Şahîn, serekê BDP yê şaristanî Suat Demîr û xeylê dêrsimijan ra Sûka Binharde ser ra fetilîya.

Ferhat Tunçî bi kilmekîye serebûtanê rojanê peyênan ser o qisey kerd, va ke qerarê YSK ke 12 namzedê xoserî -nînan ra hewt yê BDP- seba weçînitiş amey îptal kerdene, huqûqî nîyo. Tunçî ra gore Tirkîya de nêno waştene ke temsîlkarê kurdan bêrê parlamentoyê kurdan. Tunçî da zanayene ke persa kurdan bi raya aştîye û demokrasîye bêro hel kerdene.

Qiseykerdişê Tunçî ra tepîya beşdarê pêserameyîşî saetê çalakîya roniştişî viraşte.