Ez qalê kamî, qalê kamejî tewir însanan kena? De tayê xo pêt bigêrê, eke zahmet nîyo, rind biwanê.

Vano, “Ez serekê kurdan a”, la kurdkî zî nêzano.
Vano, “Ez sosyalîst a, kurd a, kirmanc a”, la ziwanê xo nêzano.
Vano, “Ez demokrat a, marksîst a, kurd a, kirmanc a”, la ziwanê xo nêzano

Derg û dila bi tirkî nusenê, zaf çî zanenê, zaf ziwanan zî zanenê, la ziwanê xo nêzanenê. Turgut Ozalî zî vato “Ez kurd a”, Turkeşî zî “Ez çiqas ke tirk a, handay zî kurd a.”

Ez şima ra qalê kamî bikerî ke?

Yanî, her kes ge-ge vano “Ez zî kurd a, kirmanc a.” Nika bî çi? Ferqê nînan derheqê ziwan û kultur û kamîya kurdan de, kirmancan de esto? Ney!

Ti ebe nê halî sosyalîst a, marksîst a, mi rê çi?
Ti ebe nê halî demokrat a, wendox a, zanaye ya, nuştox a, mi rê çi?
Ti ebe nê halî zaf çî zanena, qal kena, nusnna, mi rê çi?
Ti ebe nê halî antîfaşîst a, antîemperyalîst a, mi rê çi?
Ti ebe nê halî humanîst a, lîberal a, amîr a, memur a, pispor a, mîmar a, mi rê çi?
Ti ebe nê halî qet seba kamîya xo, seba rastîya xo nêbena walî!
Ti ebe nê halî xizmetê ziwanê asîmîlasyonî der a.
Ti ebe nê halî tenya xo xapnena, domanan xapnena.

Xora muşgulatê to û kamîye û ziwanê to çin o. Ti rastîya xo ra visîya, asîmîlasyonî ti kerda pasîmîlasyon! Ti “pasîmîlasyon” a! Her hetê ma ebe nê ” pirr o.

Serran ra ver, ez şîya yew semînerê tirkan. Uca de qalê demokrasîye kerdêne. Mabên ke da, mi qalê Kurdîstanî kerd, seba kamîya ma ci ra persê pers kerd. Merikî araq da, kerd pila-pile, qaşo cewabê mi nîya da:

– Pîyê mi zî kurd o

Şima zanenê zereyê mi de çi vîyart?

Mi… pîyê to…

Ez endî nê kayan û vateyan ra bîya bêzar. Ma şima? Şima hîna ebe nê kesan û vateyan ra bêzar nêbîyê? Eke henî yo, willayî şima rê eşq bo!

Nuşteyo peyênHetkarî
Nuşteyo verênAx û Wax Fayde Nêkeno
Îlhamî Sertkaya
Îlhamî Sertaya Çewlîg ra yo. Dewa xo Pîrcan (tirkî: Adaklı) girêdayeyê Azapêrtî yo. Perwerdeyê xo Îlhamî Sertkaya enstîtuya malimî ya Çewlîgî de dî. Serranê 1970-1980 de malim bîyo, 1982 welat terk kerd û şî Ewropa. Îlhamî Sertkaya ewro nuştox o, kitabê ey hem bi tirkî hem kî bi kirmanckî û kurmanckî (kirdaskî) estê. Hîrê reyî endamê jurî yê Xelata Edebîyatî ya Huseyîn Çelebî bî. Giranîya eseranê Îlhamî Sertkayayî şîîr û roman ê.

4 ŞÎROVEYÎ

  1. Destxweş mamosta. Ez jî êdî ji kesên kurdînezan diqehirim ku dema dikevin tengiyê kurdbûna xwe tînin ziman. Ziman mohr e. Wexta ku zimanê kesekî dimire hêdî hêdî nasnameya wî/wê jî dimire. Kesên ku zimanê xwe nizanin dê hetanî çend salên din bibin tirk.
    Silamî…

  2. Brêz Laserîstanî;
    (Yên ku ez behsa wan dikim, ji xwe bune Tirk, tenê ji bo hesabên xwe yên piçuk me dixapînin. Lew ra ku carna tenê dibêjin ‘ez jî kurd im’. Ev listok e)

    E yê ez qal kena, xora bîyê Tirk, tenya seba hesabê xoyê qijkekî ma xapnenê. Coka ke ge-ge tenya vanê ‘ma zî Kurd îme’ No, kay o.

  3. Weylo weylo weylo.. vane ez kırmanc ıne hama zon3e xo nêzonene vane ez solci ne dewrimci ne hama şîye zonê tırku qulutna ro nata-bota tırki fek erzene mıleti.. heya bira ma nine rınd nas keme nê inkarcîye zon zagonê xu ye.. ne mordemê ma ye ke eve politîka xo kamiya ma xerepne u aslê ma da inkarkerdene!

  4. Nuşteyêko weş bi resimêko weş. Derdê ma zaf î. To rast va kek Îlhamî, zereyê mi de zî eynî çî vîyart :)))

Comments are closed.