Cografyaya Kurdîstanî ke verê bi awbend û karê madenî bi madeyê sîyanurî ameye xirabin kerdene, nika ancîya (onca) duştê veşnayîşê birran der a. Na rey Xarpêt Dep de birrî hetê esker û karkeranê şîrketêde awbendviraştox ra amey veşnayene.

No hewte eskerîya Tirkîya û karkeranê şîrketê awbendî “Pembelik” Dep de cayê ke ser o baraj bêro viraştene, veşnayo. Birrê ke nêzdîyê dewa Pasî der o, giran-giran veşa. Vatena dewijan ra gore eskeran bi bombayan adir kerd we. Sireyo ke dewijê Pasî duşt de vejîyay, eskeran ê bi piranayîşê tifongan birr ra fîştî dûrî. Dewijan day zanayene ke birrî bi hemkarîya eskerîya Tirkîya û holdîngê Lîmak û Bîlgînî yenê veşnayene. Seba ke mumkin nêbî ke weşîya dewijan bêro seveknayene, înan bi xo besenêkerd ke adir weşayno.

Parçeyêde girs ê birrî nika bîyo herr û wele. Xeylê serrî yo ke kurdî protesto kenê ke dewleta tirke Kurdîstan de bi viraştişê awbendan, xebitnayîşê sîyanurî ûêb. xeripnayîşê dorûver û tebîetî xo rê kerdo hedef. Nika kî no usûl pê veşnayîşê birran dewam beno.

1 ŞÎROVE

  1. ormanın bizde genel adı ‘zime’ dir, ‘birr’ cok sık olan ağaclık alana denıyor ormanın icinde cok sık olan gecılmesı zor alana bölgeye ‘birr’ denıyor.

Comments are closed.