Eskeranê tirkan Dêrsim de ju (yew) şiwane bi (ebe) tifong kerd dirbetin. Şiwane Pîr Alî Okdemîr (25 serrî) hermê xo ra qursune girewte.

Piranayîşê eskerîya Tirkîya ra tepîya Pîr Alî Okdemîr nêweşxaneyê Mamekîye de ame weşkerdene. Eskerê tirkî no hewte nêzdîyê dewa Mamekîye Havsik de vejîyay operasyon. Lewayîşê kutikan ser o Pîr Alî Okdemîr banê (bonê) xo ra 200 metreyî dûrî de waşt ke qayîtê malê xo bikero. No taw de eskeranê tirkan tifong na Pîr Alî Okdemîrî ra û o kerd dirbetin. Pîr Alî Okdemîr ame berdene bi nêweşxaneyê Mamekîye.

Aşma verêne kî juna (yewna) şiwaneyo dêrsimij rîyê bombardumanê helîkopterî ra bîbî dirbetin.

CEWAB BIDE

Keremê xo ra şîroveyê xo binuse
Keremê xo ra nameyê xo binuse