Gelê kirmancan, gelê kurmancan, gelê soranan, gelê êzîdîyan… ver ba zulmê zulmkaran de bêveng mevindê û veng bidê Efrînî, dest bidê Efrînî, piştî bidê û doş bidê Efrînî. Vengê xo û mucadeleya xo berz kerêne.  Ewro êdî roja bêveng vinetene nîya. Ewro êdî waxtê tirt û virtî kî nîyo. Ewro êdî waxtê doşjumînîdayen o û jumînîrêwayîrvecîyen o.

Her kes naye rind bizano ke Efrîn bêwayîr nîyo. Honde ke kurdî jubîyena xo temîn kerêne û ver ba zordaran de doş bi doşî û pîya mucadeleya xo bikerone. Bawer bike ke Efrîn zaliman rê beno mezele. Waxt waxtê jubîyen o. Waxt waxtê pîyamucadelekerden o. Ewro ke kurdî jubîyena xo temîn mekerêne, êdî çi waxt kurdî jubîyena xo temîn kenê?

Waxt waxtê jubîyen o

Seba xatiranê Efrînî piro de, birayê mi, piro de. Piro de, birayê mi, piro de, seba xatiranê miletê mazlumî piro de. Piro de, birayê mi, piro de, seba domananê Efrînî piro de. Piro de ke wa Efrîn Erdoganê dîktatorî rê, Devlet Bahçelîyê faşîstî re, CHP rê û çete û terorîstanê Sûrîye rê cehenem bo. Piro de ke wa Efrîn nê gonîweranan rê mezele bo. Piro de ke wa ax û waxê kurdanê mazluman pirnikanê nê bênamus û bêşerefan ra bêrone.

Bi rojan o ke nê gonîwer û zulmkarî xo qilaşnenê ra û pesna xo û pesna eskerê xo yê sareyê paçikinî danê. Hela ju kî no pirnikqopê Bahçelî xo ver de zaf nêvindeno. Zê kelpê hamîşî şew û roj laweno. Kelp çinayî ra laweno, şima zanê? Kelp tersanê xo ra laweno. Qet merex mekerenê, ê rojê bi nê tersê zereyê xo geber benê şonê. No ters zereyê înan weno qedêneno. Tersê zereyê dîktatorî Erdogan û Bahçelîyê faşîstî teyna Kurdîstan o.

Efrîn de vengûvac çîn o, her kes kar û gureyê xo de, miletê Efrînî xo mîyan de haşt o. E ma mesela çik a? Mesele a ya ke Efrînî xan û xirabe kerê. Wa kurdî wayîre çîyê mebê. Kurdî wa hertim bêwelat, bêkes, bêheq benê. Vazenê ra destê xo dergê teberê Tirkîya kenê û werteyî kenê têmîyan ra. Cayê xo de nişt ro û masaya ser o goreyê keyfê xo sînora xêz kenê û hukmê Efrînî kenê, hukmê Kerkûkî kenê. Çim verdo hardanê Kurdîstanî. Yê ma na bîyen a?

Efrîn welatê kurdan o

Nê gonîwerê Tirkîya qa bîlasebeb ceng nêwazenê. Nê xayinî nika ra hesab û kitabê weçînitişê serra 2019 kenê. Dek û dolabê nînan nêxelesînê. Feqîr û fuqarî kişenê, ca danê qina xo. Bi rojan o ke haybiro û axîşero ke nînan no ro, kesî ronêno. Bi medyaya xo ya qilêrine, bi kelp û hamîşanê xo, bi tank û topanê xo hêrişê Efrînî kenê. Kerdo haybiro û axîşer, şikir game kî raye nêşîyê.

Dîktator Erdogan vano, “Efrîn de kurdî zulm û zordarîye kenê.” Hela vace diktator, xêca to ra kam zulm û zordarîye keno? Xêca to ra kam fîtne û fasadîye keno? Xêca to ra kam tar û mar keno? Kam tireno?

Efrîn bêwayîr nîyo!

Efrîn welatê kurdan o, welatê şêran o. Hardanê Efrînî ser o bêbext û xayînan rê ca çîn o.  Hardanê Efrînî ser o terorîst û çeteyanê dîktatorî Erdoganî rê ca çîn o.

CEWAB BIDE

Keremê xo ra şîroveyê xo binuse
Keremê xo ra nameyê xo binuse